تبلیغات اینترنتیclose
سید ابو القاسم نباتی در پژوهشهای دکترحسین محمدزاده صدیق
سید ابو القاسم نباتی در پژوهشهای دکترحسین محمدزاده صدیق
شرح احوال، افکار و آثار سید ابو القاسم نباتی بر اساس تحقیقات استاد دکتر حسین محمدزاده صدیق
موضوع : نباتی‌نین غزللری, | بازدید : 497

عشق جاميندان ايچن كيمسنه هشيار اولماز،           

نه بو دونيادا، قيامتده‌ده بيدار اولماز.

قورخو بيلمز، ائله‌مز شاه و گدادان پروا،                  

مست و مستانه گزر، كاغذ و طومار اولماز.

بوته‌ي هيجرده بولبول كيمي افغانا گلير،                

قيس بيچاره كيمي وصله خريدار اولماز.

ترك ائدر لذت دونياني، كئچر جانيندان،                

سكّه‌ني داغ قيلار، طالب دينار اولماز.

گؤسترر مئهر و وفا يارينا گؤردوكجه جفا،   

ذلتي فخر بيلر، ذرّه‌جه بيزار اولماز.

آليشار شمع كيمي، اودلاشي پروانه كيمي،

جان وئرر يارا، نباتي كيمي بي‌عار اولماز.

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 363

اؤيله مستم، بيلمزم كيم مئي نه‌دير، مينا نه‌دير!         

گول نه‌دير، بولبول نه‌دير، سونبول نه‌دير، صحرا نه‌دير!

اود توتوب جانيم سراسر ياندي، آمما بيلمه‌ديم،          

دل نه‌دير، دلبر نه‌دير، باشيمدا بو سئودا نه‌دير.

بيلمه‌ديم عؤمرومده هرگيز كوفر و ايمان هانسيدير،  

احمد و محمود كيمدير، عيسي و موسا نه‌دير؟

شاهباز اوج وحدت، واحد و حيّ قديم،                   

خالق ارض و سما، اول فرد بي‌همتا نه‌دير!

صدر ايوان جلالت، شمع بزم كائنات،                   

آفتاب عرش عزّت، لافتي الّا نه‌دير؟

تُرّهاتي قوي كنارا، رقصه گل ديوانه‌وار،                 

گل خرابات ايچره گؤر بو شور و بو غوغا نه‌دير؟

دُردِ صافي گؤزلمك واختي دگيل، ساقي! آمان!         

شيشه‌وئر، پيمانه‌وئر، ساغر نه‌دير، صهبا نه‌دير؟

دور، گؤزون قوربانيام، مستانه گل، ريندانه وئر،         

چوخ دئمه جمشيددن، اسكندر و دارا نه‌دير؟

لوحش الله! كيمدي بيلمم عشق ديوانين يازان،         

عاشيق و معشوق كيمدير، واميق و عذرا نه‌دير!

شاهد خلوت نشينيم ائتدي روخسارين عيان،           

عاشيق ديوانه! گل گؤر ظاهير و اخفاء نه‌دير!

يئتدي عؤمرون آخيرا، سن بير، نباتي بيلمه‌دين،

كيمدي بو گؤزدن باخان، يا ديلده بو گويا نه‌دير؟

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 367

منيم بو طبع مجنونوم يئنه بزم شراب ايستر،           

اليمده ساغر زرين، گؤزوم مخموري، خواب ايستر.

رفيقيم بير بوت زيبا، انيسيم ساغر و صهبا، 

اساس عيش پا برجا، كؤنول چنگ و روباب ايستر.

گهي مطرب نواسيندان فرح بولسون دل زاريم،          

گهي ساقي آياغيندان لبيم شهد شراب ايستر.

باهار اولجاق، مسلمانلار منيم بو گبروش كؤنلوم،      

اؤزون مئيخانه كونجونده ييخيب مست و خراب ايستر.

صنملر سجده‌سي قيلماق نباتي پيشه‌سي اولموش،    

اؤزون بوتلار آياغيندا تكلّف‌سوز توراب ايستر.

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 422

منيم بو ناتوان كؤنلوم يئنه فصل باهار ايستر،                

هميشه بولبول شئيدا كيمي بير مرغزار ايستر.

گهي بير گول آياغيندا دوشوب مستانه خواب ائتمك،     

گهي ساقي آياغيندان شراب خوشگوار ايستر.

ائديب سونبوللرين دسته، تماشا ائيله‌ييب سروه،                 

گزيب سئير ائتمگه هر دم كنار جويبار ايستر.

أليمده ساغر باده، چكيب قمري كيمي ناله،             

يانيندا بير بوت زيبا، پريوش، گولعذار ايستر.

أوزو گول، كاكيلي سونبول، دهاني غنچه‌ي تازه،            

ملك منظر، قمر طلعت، سيه چشمين خومار ايستر.

نه تقصير ائتميشم بيلمم، نئچون اول خسرو خوبان،                

من بيچاره‌ني دائيم پريشان روزگار ايستر؟

خجالتدن گؤروم قورتارماسين هرگيز بو عالمده،         

كي هر كيم عاشق دلخسته‌ني خلق ايچره خوار ايستر.

ملامتدن باشي آيريلماسين، دائيم ملول اولسون،             

مني اقران و امثال ايچره هر كيم شرمسار ايستر.

     نباتي بيلميرم يارب! نه حالت حاصل ائتميش كيم،

     اؤزون بو اهل دونيادان هميشه بركنار ايستر.

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 349

نه شاهام، نه گدايام، نه يسير، باشيمدا حالت وار،                   

نه غمله آشينايم، نه فنا بزميمده راحت وار.

كؤنول آمما محبت بحرينه مين كز سفر واردي،                   

بيلير طبعِ وجودومدا سرِ عشقه محبت وار.

اگر شيرين ايچون داغ دلدي دئرلر ايسه فرهادا،                

بلي بير گونده بير مين داغ دلر فرهادا نيسبت وار.

دوتوب لئيلادان اؤترو چؤللره مجنون آواره، 

بيلير عشق اهلي كيم عشق عالمينده نه علامت وار!

نباتي «مئي ايچر، محبوب سئور دئرلرسه»، گئرچكدير،

كمال اهلي! گؤزه‌ل سئومكده بير باشقا حلاوت وار!

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 675

سن‌سيز اي گول، كؤنلومون‌بيردم قراري‌يوخدو، يوخ،  

سندن اؤزگه، نئيله سين، بير غم‌گوساري‌يوخدو، يوخ!

درد هيجرين چاره‌سي هرچند بيلديم صبر ايميش،  

نئيله‌ييم، بالله بو دريانين كناري يوخدو، يوخ!

ليلي- ليلي سؤيله‌ييب چوخلار دئيه‌ر كيم عاشقم،      

ليك مجنون تك اونون بير داغداري يوخدو، يوخ.

هر خزانين بير باهاري، اونسوز اولماز، اولماسين،        

بو چؤل اولموش گول‌ستانين بير باهاري يوخدو، يوخ.

گوللري، بولبوللري، آب و هاواسي چوخ گؤزل،           

حيف كيم بو گولشنين بير گولعذاري يوخدو، يوخ!

هيچ عئيبين يوخ، گؤزه‌لليك هامي سنده جمعدير،      

نئيله‌ييم آمما كي، عهدين اعتباري يوخدو، يوخ!

سن نه بسلرسن بو ترلاني نباتي، روز و شب،

من بو داغي چوخ دولانديم بير شيكاري يوخدو، يوخ.

برچسب ها : سید ابو القاسم نباتی از دیدگاه دکتر حسین محمدزاده صدیق,شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق,پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی,سید ابوالقاسم نباتی به روایت دکتر حسین محمدزاده صدیق,پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 550

اي كؤنول! ائتمه شور و غوغا هئچ،                      

چكمه بيهوده رنج سئودا هئچ.

بي‌وفا عمره اعتبار ائتمه،                                 

اولما آلوده فكره اصلا هئچ.

خاك اولور عاقبت فقير و غني،              

حاصيل مال و مولك دونيا، هئچ.

عارف اول، عارف؛ اولما زاهيد خشك،                  

اختيار ائتمه زؤهد و تقوا هئچ.

مبتلا اولما نشئه‌ي بنگه،                                

مئي گول‌فام و جام مينا هئچ.

همت ائت اولگيلن يقين اهلي،              

كوفر و دين بحثين ائتمه قطعا هئچ.

اي نباتي سنينله حقدير يار،

غم يئمه، عالم اولسا اعدا، هئچ!

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق, پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ دوشنبه 10 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 386

نه اولموش بيلميرم، يارب، هاني بير بولبول شئيدا،        

كي سالسين بو گولوستانا يئنه بير شورش و غوغا؟

دوتوبدور غم متاعيم عالمي، آمما نه حاصيل كيم، 

تاپيلماز بير نفر آدم كي چالسين بيرجه پول سودا.

مني بير موي ايله زنجيره چكميش بير پري طلعت،   

دهاني غنچه‌ي خندان، بوخاغي لؤلؤي لالا.

بيابان جنوني لشكر عشقيم دوتوب هريان،  

بو تاج سلطنت‌دن أل گؤتوررم بيرده من، حاشا!

فنا مولكون دوتوب، سئير ائيلرم اقليم تجريدي،         

دليليم ذكر حافيظدير، رفيقيم همت مولا.

لباس فقردن بسدير منه بير خيرقه‌ي پشمين،           

تن عوريانيما اولماز منيم بو اطلس ديبا.

ندن بيلدين مني مست ائيلمز بو باده‌ي گولگون؟       

كي‌ چوخداندير مني مست ائيله‌ييب بير گؤزلري شهلا.

ائديب مولكِ قاراداغي منيم بو طبع سرشاريم،          

قاراداغ اهلينه بير باغري داغلي لاله‌ي حمرا.

گؤتورباش بير مزاريندان، دور، اي مجنون بيچاره!      

گؤزون آچ بير تماشا قيل، بودور گؤر سن دئين ليلا؟

عجب دوتدون نباتي، بارك الله! عشق دامانين،

     يئري، گؤزله، ايتيرمه بو يولو، چك هاي و هو ايلقا!

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق, پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ دوشنبه 10 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 528

اگر قويسان باخام من بير نظر اول چشم شهلايا،       

گؤزوم چيخسين اگر من بيرده باخسام جام مينايا!

بير اؤزگه حاجتيم يوخدور، ولي مشتاق ديدارام،         

نولور، باخ بير نظر بو عاشق مجنون شئيدايا.

شب‌يلدا دئييب، حسرت‌چكيب‌قان‌ياش‌تؤكن‌زاهيد،   

دة ائششك! كور دگيلسن، باخسان اول زولف چليپايا.

اگر عارف‌سن، آنلارسان، نه لازم كشف حال ائتمك،    

مني بير گؤزلري جادو ساليب بو شور و غوغايا.

سيزه مندن امانت، اي جاوانلار من كي ها گئتديم،         

ولاكين سيز، حاييفسيز دوشمه‌يين بوقانلي سئودايا.

نباتي چوخ جفا چكدين، مورادين اولمادي حاصيل،           

يئري پيريندن آل همت، ياپيش دامان مولايا.

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق, پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ دوشنبه 10 مهر 1391 توسط دکتر صدیق. ارسال: سید احسان شکرخدایی
موضوع : نباتی‌نین غزللری, | بازدید : 481

سحر مئيخانه اطرافين گزيرديم مست و بي‌پروا،        

كي گؤردوم اوندا ناگه بير عجايب صورتي، زيبا.

مسلسل زولف چيگنينده، مرصّع طوق بوينوندا،         

فرنگي اطلس أگنينده، باشيندا معجر حمرا.

ملك منظر، پري پيكر، سخن گستر، وفا پرور،          

بوت مئهرو، گول خوشبو، سؤزو شكّر، گؤزو شهلا.

سمن رخسار، مشكين مو، شلائين قامتي دلجو،        

سراسر فتنه و جادو، سرا پا شورش و غوغا.

گؤرن ساعتده، ذؤوقومدان ييخيلديم مست و لايعقل،

داغيلدي عقل باشيمدان، آليشدي آتش سئودا.

پريشان اولدو احواليم، توكندي صبر و آراميم،           

گريبان چاك ائديب، دوردوم يئريمده واله و شئيدا.

مني گؤرجك بو حالتده، او سرو باغ دلجويي،           

گليب يانيمدا أگلندي، ألينده ساغر مينا.

كرم قيلدي منه جامي، آليب مردانه نوش ائتديم،       

دوروب اؤپدوم آياغيندان، دئديم: اي ثاني ليلا!

اگر گؤرمك ديلرسن صورت مجنون شئيداني،          

اوزاق گزمه، تماشا قيل، بودور اول عاشق رسوا!

شكسته خاطيري محزون، سؤزو آشفته، ديگرگون،      

دوتوب نقش ره مجنون، گزر وحشي كيمي صحرا.

نباتي حمد قيل آللاها، مين شوكر و ثنا ائيله،

كي مجنونون مقاماتين سنه روزي ائديب مولا.

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق,پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ دوشنبه 10 مهر 1391 توسط دکتر صدیق. ارسال: سید احسان شکرخدایی

1- 8. ديوانين قاباقكي ترتيبي

نباتي هئچ زامان ديوان ترتيب ائتمگه ميل گؤسترمه‌ميشدير. اونون شعرلريني، اوندان سونرا اؤزگه‌لر، مريدلري و شاگيردلري بيريئره توپلاميشلار. اينديه‌دك اليميزه يئتيشن ديواني‌نين أوچ أليازما و ايكي داش باسماسي نسخه‌لري بو روباعيله باشلايير:

از گردش روزگار و دور گردون،/ ديوان من از رديف گرديد برون.

آشفته‌تر از شكنج زلف ليلي،/ پژمرده‌تر از مقال حال مجنون.

هئچ بيريسي‌ده، اسكي ديوان ترتيب وئرمه اصولو كيمي حمديه و نعتيه‌لر ايله باشلامير، بلكه هاميسيندا، بو روباعيدن سونرا آشاغيداكي غزل گلميشدير:

نيست در اين دفتر بي‌زيب و فر،/ حمدِ خدا، نعتِ رسول، اي پسر!

در عوضِ بسمِله، در مطلعش،/ كرده رقم منشي كلك قدر:

سوخت نباتي ز غم هجر يار،/ واي بر آن عاشق خونين جگر!

هر كه بود عاشق ليلي‌وشي،/ از من دل سوخته گيرد خبر!

شاد كند خاك مزار مرا،/ با دو سه پيمانه‌ي بي شور و شر.

آتش بسيار فروزد چنانك،/ طعنه زند شعله‌ي او بر سقر!

بر لب آتش به كفش جام مي،/ زمزمه‌خوان ز اول شب تا سحر.

در دل غمديده جز اين آرزو،/ نيست، همين است كه گفتم دگر.

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق, پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ دوشنبه 10 مهر 1391 توسط دکتر صدیق. ارسال: سید احسان شکرخدایی

1- 7. ياراديجيليغي

نباتي اؤز ياراديجيليغيندا هم رسمي كلاسيك ادبي مكتبينه باغليليق گؤسترير و همده شيفاهي ادبياتيميز و عاشيق ادبياتي يولون تعقيب ائدير. كلاسيك مكتبه باغلي، قصيده، غزل، مخمس، مسدس، مستزاد، ترجيع بند، روباعي و دوبئيتي يازميشدير. شيفاهي ادبيات ساحه‌سينده ايسه قوشما، گرايلي، بئشليك و تجنيس قلمه آلميشدير. كلاسيك ديلينده‌ده شيفاهي ادبيات ديلي‌نين تأثيري گؤرسنير، غزللري، باشقا شاعيرلرين غزللرينه نيسبت، چوخ ساده ديل ايله يازيلميشدير. قافيه و وزن عيبلري‌ده چوخ آز گؤزه دگير. غزللرينده أن بؤيوك غم، هيجران و آيريليق غميدير. بو مضمون ايسه ادبيات تاريخيميزين أن يايغين موضوعلارينداندير:

هاني بس گؤرون نه‌اولدو، مني درد و غم توكتدي،/ نييه گلمه‌دي يوباندي، نه ائديب باهانه گلمز؟

* * *

محنت هيجرينده عؤمروم باشا گلدي، اي صنم!/ حئيف كيم قول سالمادين بوينونا گيسولر كيمي!

* * *

هيجران دئميش اولدم، قلم اود دوتدو، آليشدي، آهيم شرريندن،

بير خنجر خونريز گتير، باغريمي بير يار، بير گؤر كي نه‌لروار.

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق, پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ دوشنبه 10 مهر 1391 توسط دکتر صدیق. ارسال: سید احسان شکرخدایی

1- 6. وارليق بيرليگي

وارليق بيرليگي يا وحدت وجود كشف و شهود اساسيندا قورولور. بو اينانجا گؤره وارليق مابه‌الامتيازي اونون مابه‌الاشتراكي ايله بيردير، ولاكين فرقي بودور كي آللاه وارليغي اصيل (= واجب الوجود) دير و آللاهدان سونرا بوتون وارليقلار ظلّي وجوددورلار. اونا گؤره عارف هر شئيي آللاهين نشانه‌لري حساب ائدير و حقي بو نشانه‌لرده آختارير و اونلاري پرستش ائدير.

«ابن عربي» فصوص الحكم‌ده دئيير:«عارف اودور كي حقّي هر شئيده گؤرسون.» و بونون آردينجا «حضرت موسي و هارون» حكايه‌لريندن بيريني نقل ائدير و نتيجه آلير:

«موسي هاروندان داها آييق ايدي. چونكه بيليردي او خلق بيزووي پرستش ائتمكله آللاهي پرستش ائديرلر، چونكه اودا آللاهين نشانه‌سي‌دير و حقّي اوندا گورورلر.»[1]

ائله بوتا گئوره‌ديركي نباتي دئيير:

گؤرجك سني من، اي اوزوگول طرّه‌سي سونبول، ال هاميدان اوزدوم!

اولدَم كي سنين مئهر روخون ائتدي تجلي، عشق اولدو هويدا . . . [2]

* * *

طرف گولشنده يئنه بير گول حمرا گؤرولور،/ طُرفه خوش رنگ و تر و تازه و زيبا گؤرونور.[3]

* * *

واميق شئيدا گرك تا بيله عذرا نه‌دير،/ طوف بوت ائتمك اولوب راهب و رُهبانا فرض.[4]

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق,پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ دوشنبه 10 مهر 1391 توسط دکتر صدیق. ارسال: سید احسان شکرخدایی

1- 8. ديوانين قاباقكي ترتيبي

نباتي هئچ زامان ديوان ترتيب ائتمگه ميل گؤسترمه‌ميشدير. اونون شعرلريني، اوندان سونرا اؤزگه‌لر، مريدلري و شاگيردلري بيريئره توپلاميشلار. اينديه‌دك اليميزه يئتيشن ديواني‌نين أوچ أليازما و ايكي داش باسماسي نسخه‌لري بو روباعيله باشلايير:

از گردش روزگار و دور گردون،/ ديوان من از رديف گرديد برون.

آشفته‌تر از شكنج زلف ليلي،/ پژمرده‌تر از مقال حال مجنون.

هئچ بيريسي‌ده، اسكي ديوان ترتيب وئرمه اصولو كيمي حمديه و نعتيه‌لر ايله باشلامير، بلكه هاميسيندا، بو روباعيدن سونرا آشاغيداكي غزل گلميشدير:

نيست در اين دفتر بي‌زيب و فر،/ حمدِ خدا، نعتِ رسول، اي پسر!

در عوضِ بسمِله، در مطلعش،/ كرده رقم منشي كلك قدر:

سوخت نباتي ز غم هجر يار،/ واي بر آن عاشق خونين جگر!

هر كه بود عاشق ليلي‌وشي،/ از من دل سوخته گيرد خبر!

شاد كند خاك مزار مرا،/ با دو سه پيمانه‌ي بي شور و شر.

آتش بسيار فروزد چنانك،/ طعنه زند شعله‌ي او بر سقر!

بر لب آتش به كفش جام مي،/ زمزمه‌خوان ز اول شب تا سحر.

در دل غمديده جز اين آرزو،/ نيست، همين است كه گفتم دگر.

نو سفران از غم عشق بوتان،/ الحذر و الحذر و الحذر!

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق,پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ شنبه 8 مهر 1391 توسط دکتر صدیق. ارسال: سید احسان شکرخدایی

1- 7. ياراديجيليغي

نباتي اؤز ياراديجيليغيندا هم رسمي كلاسيك ادبي مكتبينه باغليليق گؤسترير و همده شيفاهي ادبياتيميز و عاشيق ادبياتي يولون تعقيب ائدير. كلاسيك مكتبه باغلي، قصيده، غزل، مخمس، مسدس، مستزاد، ترجيع بند، روباعي و دوبئيتي يازميشدير. شيفاهي ادبيات ساحه‌سينده ايسه قوشما، گرايلي، بئشليك و تجنيس قلمه آلميشدير. كلاسيك ديلينده‌ده شيفاهي ادبيات ديلي‌نين تأثيري گؤرسنير، غزللري، باشقا شاعيرلرين غزللرينه نيسبت، چوخ ساده ديل ايله يازيلميشدير. قافيه و وزن عيبلري‌ده چوخ آز گؤزه دگير. غزللرينده أن بؤيوك غم، هيجران و آيريليق غميدير. بو مضمون ايسه ادبيات تاريخيميزين أن يايغين موضوعلارينداندير:

هاني بس گؤرون نه‌اولدو، مني درد و غم توكتدي،/ نييه گلمه‌دي يوباندي، نه ائديب باهانه گلمز؟

* * *

محنت هيجرينده عؤمروم باشا گلدي، اي صنم!/ حئيف كيم قول سالمادين بوينونا گيسولر كيمي!

* * *

هيجران دئميش اولدم، قلم اود دوتدو، آليشدي، آهيم شرريندن،

بير خنجر خونريز گتير، باغريمي بير يار، بير گؤر كي نه‌لروار.

 

نباتي خلاقيتي اوندان سونرا بوتون شاعيرلريميزين ياراديجيليغيندا اثر بوراخميشدير. «سيد عظيم»، «راجي»، «صراف»، «شكوهي»، «لعلي»، «صابر»، «حداد»، «محمد باقر خلخالي» و «محمد علي هيدجي» هاميسي اوندان ايلهام آلميش و شعرلرينه نظيره‌لر يازميشديرلار. بونون خصوصي تدقيقاتا احتياجي واردير.

برچسب ها : سید ابو القاسم نباتی از دیدگاه دکتر حسین محمدزاده صدیق, شناختنامه سید ابوالقاسم نباتی بر اساس پژوهشهای دکتر حسین محمدزاده صدیق,سید ابوالقاسم نباتی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید ابوالقاسم نباتی,تحقیقات دکتر حسین محمدزاده صدیق درباره ابو القاسم نباتی, سید ابوالقاسم نباتی به روایت دکتر حسین محمدزاده صدیق,پژوهشهای دکتر حسین محمدزاده صدیق درباره ابوالقاسم نباتی,
ارسال در تاريخ شنبه 8 مهر 1391 توسط دکتر صدیق. ارسال: سید احسان شکرخدایی