تبلیغات اینترنتیclose
سید ابو القاسم نباتی‌نین غزللری - 20- تصحیح دکتر حسین محمدزاده صدیق
سید ابو القاسم نباتی در پژوهشهای دکترحسین محمدزاده صدیق
شرح احوال، افکار و آثار سید ابو القاسم نباتی بر اساس تحقیقات استاد دکتر حسین محمدزاده صدیق
موضوع : نباتی‌نین غزللری, | بازدید : 352

وه! نه گؤيچك يازيليب صفحه‌ي روخسارا بو خط،                 

گؤرسه بالله گتيرر كافري اقرارا بو خط.

ايسته‌سن حاضير ائدر هر كيمي اول ساعتده،                       

دئيه‌سن نقش اولونوب منظر ازهارا بو خط.

ائله بيل قوس قزح بير چكيليب چرخ أوزره،            

گؤرنه رنگين ياراشير عارض گولنارا بو خط.

الله! الله! يئري، تحسين ائله اول نقاشه،                             

يوخدور امكاني گله گردش پرگارا بو خط.

سئحر دير بو، گؤره‌سن يوخسا كي ماني ايشيدير؟               

چوخلارين ائيليه‌جك من كيمي آوارا بو خط.

نقطه‌ي خال سياهين مني گيردابا ساليب،               

نه اولور درديمه بيرده ائده بير چارا بو خط؟

داغ ائديب لاله كيمي باغريمي، خوشدور آمما،                      

چوخ فقيرين گونونو ائيليه‌جك قارا بو خط!

چكدي زنجيره‌ مني طٌُرّه‌ي پر پيچ و خمين،                       

وار اوميديم كي مني لوطفيله قورتارا بو خط.

اي نباتي! نه قده‌ر وارايسه عمرون،‌خط ياز،

عاقبت بيرگون اولور كيم گلي بير كارا، بو خط.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ چهارشنبه 26 مهر 1391 توسط دکتر صدیق. ارسال: سید احسان شکرخدایی