تبلیغات اینترنتیclose
سید ابو القاسم نباتی‌نین غزللری - 21- تصحیح دکتر حسین محمدزاده صدیق
سید ابو القاسم نباتی در پژوهشهای دکترحسین محمدزاده صدیق
شرح احوال، افکار و آثار سید ابو القاسم نباتی بر اساس تحقیقات استاد دکتر حسین محمدزاده صدیق
موضوع : نباتی‌نین غزللری, | بازدید : 443

اول زامان من ائدرم ذؤوقيله بو جاندان حظ،

كي يئتيب وصله، ائدم صحبت جاناندان حظ.

گؤرگج اول نوگولو، كؤنلوم گول خندانا ‌دؤنر،

نئجه كيم بولبول ائدر طرف گولوستاندان حظ.

مرغ دل مسكني اول زولف چليپا اولالي،               

غم يئمز، داهي ائدر حال پريشاندان حظ.

قويما خالي قالا كؤنلوم غم عشقيندن كيم، 

عادتيمدير ائدرم من دل سوزاندان حظ.

لوطف قيل، سينه‌مي قيل بير هدف تير جفا،

كؤنلوم ايستر ائده بير ناوك پيكاندان حظ.

وئر صفا كؤنلومه، تؤك سئيل سيرشكيم گؤزدن،        

من هميشه ائدرم بو دُر غلطاندان حظ.

تنگ اولور روي زمين رزم گونو نامرده،                 

مرد ائدر شير كيمي عرصه‌ي مئيداندان حظ.

اول گول تازه، نقابين نولا أوزدن گؤتوره،   

يئته پروانه‌يه تا شمع شبستاندان حظ!

گؤرسم اول قامت مؤزونو، ايتيررم اؤزومو،   

بؤيله كيم قمري ائدر سرو خوراماندان حظ!

داهي بوندان بئله چوخ ائيلمرم مئيلِ هوس،

ائيلرم من‌ده نباتي كيمي هجراندان حظ.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ چهارشنبه 26 مهر 1391 توسط دکتر صدیق. ارسال: سید احسان شکرخدایی