تبلیغات اینترنتیclose
سید ابو القاسم نباتی‌نین غزللری - 23- تصحیح دکتر حسین محمدزاده صدیق
سید ابو القاسم نباتی در پژوهشهای دکترحسین محمدزاده صدیق
شرح احوال، افکار و آثار سید ابو القاسم نباتی بر اساس تحقیقات استاد دکتر حسین محمدزاده صدیق
موضوع : نباتی‌نین غزللری, | بازدید : 503

اي گؤزوم! ياتما بئله گل داهي بيدار اول، اول،         

خواب غفلتدن اويان بير گئجه هشيار اول، اول!

بو قده‌ر غنچه كيمي پرده ده قالدين، بسدير،           

بير زامان هم آچيليب شاهد بازار اول، اول!

بوشلا ظلمت يولونو، آب حياتي آختار،                   

يولادوش، باخما دالي، گئت، يئري، رهوار اول، اول!

لَن تَراني بير عجب سؤز دور، اگر عاشيق‌سن،                   

منه باخ، طورا يوگور، طالب ديدار اول، اول!

سال عصاني يئره، نعلين آياغيندان آت،                 

يئته‌سن تا كي تجلّايا، سبكبار اول، اول!

دوتاسان تا كي مسيحا كيمي گؤيلرده مقام، 

حققي دوت، خلقي اونوت، زيبِ سرِ دار اول، اول!

أللي ايلده بو قده‌ر مجلسه گئتدين، گلدين،  

اوغلون اؤلسون، نه ياتيبسان؟ داهي بيدار اول، اول!

شك و سهوي گؤتو، وسواسي چيخارت كؤنلوندن،              

قابيلِ مغفرتِ قادر غفّار اول، اول!

قيل تماشا، موغ و موغ‌زاده و ترسالارا باخ،  

مست و مدهوش قاليب، صورت ديوار اول، اول!

حققي تاپماقدير اگر مطلبين، اي بير بئله‌زاد،

داخلِ حلقه‌ي ريندانِ قدح‌خوار اول، اول!

بو قده‌ر گوشه‌ي محرابا سيغيندين، بسدير،  

بيرده مئيخانايا گل، فائضِ انوار اول، اول!

عشقي، عاشيقليگي منع ائيلمه زاهيد، بالله! 

عاغليني باشينا ييغ، عاشق بير يار اول، اول!

دؤوره گلديكجه قدح، سن داهي بير جام آل أله،       

پوف دة ايمانا، بلي، سن داهي بيزار اول، اول!

منزليم كوپ ديبي، آمما كي وئرن يوخدو منه،

اي نباتي! بو عجب حالا خبردار اول، اول!

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ چهارشنبه 26 مهر 1391 توسط دکتر صدیق. ارسال: سید احسان شکرخدایی