تبلیغات اینترنتیclose
سید ابو القاسم نباتی‌نین غزللری - 24- تصحیح دکتر حسین محمدزاده صدیق
سید ابو القاسم نباتی در پژوهشهای دکترحسین محمدزاده صدیق
شرح احوال، افکار و آثار سید ابو القاسم نباتی بر اساس تحقیقات استاد دکتر حسین محمدزاده صدیق
موضوع : نباتی‌نین غزللری, | بازدید : 508

او گونش عارضه حئيران اولالي زار اولوبام، 

عقل و هوشوم داغيليب صورت ديوار اولوبام.

عشق بي‌باك ائله‌دي پرده‌ي ناموسومو چاك،           

ذكر بد، آدي يامان، خلق أوزونه خوار اولوبام!

مني گؤرجك دئيه‌سن جنّ ائشيديب بسم الله،          

زاهيدين پيس گؤزونه بير چاليجي مار اولوبام.

تا بولام بلكه مگر اول صنمين مأواسين،                

گاه مئيخانيه، گه مسجده سيّار اولوبام.

سن گئت اؤز كارينا اي زاهيد بد كيش كي من،       

طاليب جام جم و باده‌ي گولنار اولوبام.

بوالعجب درده‌مني سالميش او ياغي گؤزلر، 

گاه ديوانه و گه مست و گه هشيار اولوبام.

ساقي گل جانيمي آل، وئر منه بير جام، آمان،          

يانميشام، تشنه‌ي بير ساغر سرشار اولوبام.

تا نباتي اولوب اول نو گوله عاشيق، بالله!

من ده هم ناله‌ي بير بولبول گولزار اولوبام.

صفحه قبل 1 صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : سید,ابوالقاسم,ابو القاسم,نباتی,در,پژوهشهای,پژوهش,دکتر,حسین,محمدزاده,صدیق,دوزگون,شناختنامه,سید ابو القاسم نباتی,تحقیقات دکتر حسین محمدزاده صدیق پیرامون نباتی,حسین محمدزاده صدیق دوزگون,شناختنامه نباتی بر اساس تحقیقات دکتر محمدزاده صدیق دوزگون,شناختنامه سید ابو القاسم نباتی,نباتی‌نین,غزللری,سید ابو القاسم نباتی‌نین غزللری,
ارسال در تاريخ چهارشنبه 26 مهر 1391 توسط دکتر صدیق. ارسال: سید احسان شکرخدایی