تبلیغات اینترنتیclose
سید ابو القاسم نباتی‌نین غزللری - 34 - تصحیح دکتر حسین محمدزاده صدیق
سید ابو القاسم نباتی در پژوهشهای دکترحسین محمدزاده صدیق
شرح احوال، افکار و آثار سید ابو القاسم نباتی بر اساس تحقیقات استاد دکتر حسین محمدزاده صدیق
موضوع : نباتی‌نین غزللری, | بازدید : 573

1   جومدوم يئنه غواص تك، دريايامن، دريايامن،                  

قيلديم نظر بير لؤلؤي لالايامن، لالايامن.

     سن سانما من بو بحرده هر اينجي ميرواري گزيم،       

گؤز تيكميشم بير گؤوهر والايامن، والايامن.

     گئتديم بيابان گشتينه، وارديم تجلّا دشتينه،                    

ائتديم تماشا طوردا، موسايامن، موسايامن.

     چيخديم بو عرشين أوستونه، باخديم بُلند و پستينه،    

 پس اوندا ناگه اوغراديم عيسايامن، عيسايامن.

5   سالديم تمام عالمي گؤزدن، اونوندوم آدمي،                 

وئرديم كؤنول بير واحيد يكتايامن، يكتايامن.

     گزديم سماواتي تمام، هر منزله ائتديم خورام،                  

قيلديم گوذر هر جنت اعلايامن،‌ اعلايامن.

     ائتديم تماشا گوللرين، هم رنگ به رنگ بولبوللرين،           

سالديم نظر هم منظر حورايامن، حورايامن.

     گئتدي‌سريمدن‌عقل‌وهوش، بيرگوشه‌ده اوتدوم‌خموش،         

دوشدوم عجايب منظر اخفايامن،‌ اخفايامن.

     نه ياتميش ايديم نه اوياق، نه آتلي ايديم نه ياياق،       

 بير واخت گؤردوم گلميشم دونيايامن،‌ دونيايامن.

10 ليلي دئييب چكديم آمان، قانياش تؤكوب ائتديم فغان،  

دوشدوم يئنه مجنون‌كيمي‌صحرايامن، صحرايامن.

فاني اولوبدور بو بدن، دور، تاپ، نباتي! بير كفن،

بو جاني قوربان ائيله‌ديم ليلايامن، ليلايامن!

صفحه قبل 1 صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شناختنامه ابوالقاسم نباتی بر اساس پژوهش دکتر حسین محمدزاده صدیق,سید ابوالقاسم نباتی در پژوهش دکتر حسین محمدزاده صدیق,اشعار ترکی ابوالقاسم نباتی تصحیح دکتر حسین محمدزاده صدیق,حسین دوزگون و سید ابوالقاسم نباتی,ابوالقاسم نباتی‌نین غزللری,
ارسال در تاريخ شنبه 26 مرداد 1392 توسط دکتر صدیق. ارسال: سید احسان شکرخدایی