تبلیغات اینترنتیclose
سید ابو القاسم نباتی‌نین غزللری - 35 - تصحیح دکتر حسین محمدزاده صدیق
سید ابو القاسم نباتی در پژوهشهای دکترحسین محمدزاده صدیق
شرح احوال، افکار و آثار سید ابو القاسم نباتی بر اساس تحقیقات استاد دکتر حسین محمدزاده صدیق
موضوع : نباتی‌نین غزللری, | بازدید : 514

1   يئنه آشوفته‌ي بير نرگيز شهلايام من،                          

اوندان اؤترو بئله آلوده‌ي صحرايام من.

     اولموشام بير صنم لاله‌روخون مشتاقي،                         

بو سببدن دَلي تك باديه پيمايام من.

     ائتديگيم شام و سحر ناله و زارين سببي،                                  

بودو كي بسته‌ي بير زولفِ چليپايام من.

     دئمه‌كيم نئيچون اولوبسان بئله بيمار و ضعيف،               

عاشيقِ غمزه‌ي بير شوخِ دِل آرايام من.

5   نه‌دئييرسن يئنه، اي جاهيل افسرده مزاج؟                      

كلّ عالم بيلي كيم طاليب معنايام من.

     اولموشام خيضر صيفت پرده‌ي اِخفادا نهان،                    

يئنه بو عالم آرا گون كيمي پئيدايام من.

     چوخدا گؤسترمه منه بؤيله زرين كيسه‌سيني،                  

بو تورو اؤزگه‌يه قور، بچه‌ي عنقايام من.

     منده‌وار بحر كيمي دُرّ و گؤوهر آنباري،                        

يوخسابي‌مايه سانيرسان مني؟ دريايام من!

     ائتميشم سوزنيمي رشته‌ي مريمدن دور،                                   

مينميشم توسن گردونه، مسيحايام من!

10 معجزات‌ هامي پيغمبر اولوب منده عيان،                        

بيلمك اولماز مني، بيرسرّهويدايام من.

     ايسته‌سن كيم بيله‌سن كيمدي بو انشاني قيلان،              

گزگزم، قان ايچي‌جي دوختر ترسايام من.

هله! گؤر، بسدي، نباتي! نه اَنَا الحَق دير بو؟

داهي بير يول دئگيلن:«واحيد و يكتايم من!»

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شناختنامه ابوالقاسم نباتی بر اساس پژوهش دکتر حسین محمدزاده صدیق,سید ابوالقاسم نباتی در پژوهش دکتر حسین محمدزاده صدیق,اشعار ترکی ابوالقاسم نباتی تصحیح دکتر حسین محمدزاده صدیق,حسین دوزگون و سید ابوالقاسم نباتی,ابوالقاسم نباتی‌نین غزللری,
ارسال در تاريخ شنبه 26 مرداد 1392 توسط دکتر صدیق. ارسال: سید احسان شکرخدایی